Në kuadër të agjendës së rregullt të punës, gjatë ditës së sotme në Kuvendi i Kosovës mbahen disa mbledhje të komisioneve parlamentare, në të cilat do të shqyrtohen çështje të ndryshme të fushëveprimit të tyre.

Në orët e paradites dhe pasdites, në ambientet e Kuvendit të Kosovës do të zhvillohen disa mbledhje të komisioneve parlamentare.

Duke filluar nga ora 10:00, Komisioni për Administratë Publike, Digjitalizim, Pushtet Lokal, Media dhe Zhvillim Rajonal do të mbajë mbledhje për hartimin e fushëveprimtarisë së Komisionit, ndërsa në të njëjtën kohë Komisioni për Arsim, Shkencë dhe Teknologji do të miratojë fushëveprimin e tij.

Po ashtu, në ora 11:00, Komisioni për Ekonomi, Industri, Ndërmarrësi, Tregti dhe Inovacion pritet të miratojë fushëveprimin përkatës.

Ndërkohë, nga ora 13:00, Komisioni i Posaçëm për Administrimin e Procesit të Përzgjedhjes së Anëtarëve Joprokurorë të Këshillit Prokurorial do të shqyrtojë shpalljen e konkursit për zgjedhjen e një anëtari joprokuror të KPK-së.